Эрдэнэцагаан сумын онцгой байдлын газрын гал унтраах, аврах 47 дугаар ангийн 21 алба хаагчдад Монгол Улсын замын хөдөлгөөний аюулгүй байдлын тухай хуульд нэмэлт өөрчлөлт, мөн Залилах гэмт хэргээс урьдчилан сэргийлэх тухай ЭЦССДЦТ-н зохицуулагч д/ч Б.Саейнгэнэн 2024 оны 04 дүгээр сарын 04-ний өдрийн 11:40-12:40 цагийн хооронд сургалт орлоо.

Эрдэнэцагаан сумын төвийн 2,5,8-р багуудад үйл ажиллагаа явуулдаг тусгай зөвшөөрөлтөй 10 ААН-үүдэд аймгийн засаг даргын А/19 захирамжийг танилцуулж гэмт хэрэг зөрчлөөс урьдчилан сэргийлж ажиллаа.

Төрийн албан хаагчдын зөвлөгөөн болж ТАХаагчид 2024 онд хамтран ажиллах гэрээ байгуулж гүйцэтгэлийн төлөвлөгөөгөө батлуулав. Мөн ТАХ нарт зайлшгүй мэдвэл зохих хуулиудаар сургалт зохион байгууллаа.

Гэмт хэрэг, зөрчлөөс урьдчилан сэргийлэх архи согтууруулах ундааны буруу хэрэглээ, хор уршгийг таниулах эрх зүйн боловсролыг дээшлүүлэх, зөв хандлага, үйлдэлд уриалах "ТА ТАТГАЛЗ" аяны хүрээнд зохион байгуулсан шүлгийн уралдаан зохион байгууллаа. Гал унтраах 047-р ангийн дэслэгч А.Галсандорж 1-р байр, дэд ахлагч А.Даваабаяр 2-р байр тус тус эзэллээ. Идэвхитэй оролцсон 047-р ангийн хамт олондоо амжилт хүсье. Эрдэнэцагаан сум Гэмт Хэрэг Зөрчлөөс Урьдчилан Сэргийлэх Салбар Зөвлөл Эрдэнэцагаан Гал Унтраах Анги

Сүхбаатар аймгийн хэмжээнд 2023 оныг “Хүүхдийн хөгжил, хамгаалал”-ын жил болгосонтой холбогдуулан Эрдэнэцагаан сумын ГХУССЗөвлөл, Цагдаагийн тасаг, Наран-2 зоогийн газрууд хамтран тус сумын ЕБС-ийн дунд, ахлах бүлгүүдийн хооронд эрэгтэй, эмэтэй гэсэн 2 төрлөөр 3х3 сагсан бөмбөгийн аварга баг шалгаруулах тэмцээн зохион байгууллаа. Тэмцээнд 28 багийн нийт 112 тамирчин амжилттай оролцож төрөл тус бүрээс 1-3 дугаар байр эзлүүлэн өргөмжлөл, мөнгөн шагналаар урамшуулж амжилттай явагдлаа. Тэмцээнд идэвхтэй оролцсон баг, тамирчид болон хамтран зохион байгуулсан ГХУССЗөвлөл, Наран-2 зоогийн газрын хамт олонд талархал илэрхийлье.

1996 оноос эхлэн Монгол Улсын хууль, УИХ-ын тогтоолын дагуу энэ өдрийг жил бүрийн есдүгээр сарын 10-нд тэмдэглэж, 28 дахь жилдээ хэлмэгдэгсдийн дурсгалыг хүндэтгэн өнгөрөөж байна. Халуун дотно ярилцлага өрнүүлсэн сайхан арга хэмжээ боллоо.

Жил бүрийн 09 дүгээр сарын 10-ны өдөр хүндэтгэн өнгөрүүлдэг “Улс төрийн хэлмэгдэгсдийн дурсгалын өдөр”-ийн хүрээнд сумын хэмжээнд улс төрийн хилс хэрэгт хэлмэгдэгсдийн эхнэр, нөхөр, үр хүүхэд, ач зээ нартай уулзалт зохион байгуулж, хүндэтгэл үзүүлэх бөгөөд уг арга хэмжээ 2023 оны 09 дүгээр сарын 10-ны өдрийн 09.00 цагт болно. Энэхүү арга хэмжээнд ИТХ-ын дарга, Ажлын алба, ИТХ-ын төлөөлөгч нар, ИТХ-ын ахмад ажилтан Ч.Бямбажав болон хэлмэгдэгсдийн ар гэрийн төлөөлөл оролцоно. ХАЛУУН ИТГЭЛ ЦӨХӨРСӨН ХАТАН ЗҮРХ ШАРХИРСАН ХАР ДАРСАН ОН ЖИЛҮҮДИЙГ #ХАМАГ #МОНГОЛЧУУД #БҮҮ #МАРТАГТУН

Сумын Иргэдийн Төлөөөгчдийн Хурлын даргын удирдамжийн дагуу ОНХС-ийн хөрөнгөөр хийгдэж буй 2022 оны дуусаагүй гүйцэтгэл, 2023 онд хийгдэх ажлын төлөвлөгөө, гүйцэтгэлд хянал шалгалт хийгдэж байна

ХҮҮХДИЙН ЭСРЭГ БОЛЗОШГҮЙ ОСОЛ ГЭМТЭЛЭЭС УРЬДЧИЛАН СЭРГИЙЛЖ ХҮҮХДИЙН ЭРХИЙГ ХАМГААЛАХ ӨДӨР БУЮУ 06 САРЫН 01 ӨДРИЙГ "АВТО МАШИНГҮЙ ӨДӨР " БОЛГОН ЯВГАН ХӨДӨЛГӨӨНД ОРОЛЦОХЫГ НИЙТ ЭЦЭГ ЭХЧҮҮД , ЖОЛООЧ НАРТАА УРИАЛГА ГАРГАЖ, ИТХУРАЛ, ЦАГДААГИЙН ТАСАГ, ГХУСАЗСЗӨВЛӨЛ ХАМТРАН УНАДАГ ДУГУЙН УРАЛДААНЫГ ЗОХИОН БАЙГУУЛЛАА. УРАЛДААНД НИЙТ 45 ХҮҮХЭД ОРОЛЦОВ.

ЭРДЭНЭЦАГААН СУМЫН ИРГЭДИЙН ТӨЛӨӨЛӨГЧДИЙН ХУРЛЫН ТҮҮХЭН ЗАМНАЛ, ТАНИЛЦУУЛГА 1992 онд Монгол Улсын шинэ Үндсэн хууль батлагдаж, УИХ-аас “Монгол Улсын засаг захиргаа, нутаг дэвсгэрийн нэгж түүний удирдлагын тухай” хуулийг хэрэгжүүлэх зарим арга хэмжээний тухай 1992 оны 8 дугаар сарын 21-ний өдрийн 23 тоот тогтоол гаргаж, Орон нутгийн хурлыг шинэчлэн байгуулах, Засаг дарга нарыг томилох ажлыг 1992 оны 9 дүгээр сард багтаан зохион байгуулахаар заажээ. Орон нутгийн хурлын сонгууль явуулах тухай тусгайлсан хууль гаргаагүй бөгөөд “Засаг захиргаа, нутаг дэвсгэрийн нэгж, түүний удирдлагын тухай” хуульд “Засаг захиргаа, нутаг дэвсгэрийн нэгжийн удирдлага гэсэн нэг бүлэг /II бүлэг/, удирдлагын тогтолцоо /II бүлгийн 7-р зүйл/ хурал, түүнийг байгуулах /II бүлгийн 9-р зүйл/ гэсэн зүйлийг шинээр нэмж оруулжээ. Энэ үеэс Ардын Депутатуудын хурал нь Иргэдийн Төлөөлөгчдийн Хурал, АДХГЗ нь Засаг даргын Тамгын газар, анхан шатны нэгж бригад нь баг болсон түүхтэй. 1992 онд засаг захиргааны шинэ нэгжээр Эрдэнэцагаан сум нь 11 багийн хуваарьт орсон. 1996 онд үүнийг томруулж хөдөөд 5 баг, сумын төвд 3 багтай болж ажилласан. Эрдэнэцагаан сумын хувьд 1992-2012 он хүртэл 21 төлөөлөгч, 2012 оноос одоог хүртэл 27 төлөөлөгч сонгогдон ажиллаж байна. 1992-2000 он хүртэл Иргэдийн Төлөөлөгчдийн Хурлын дарга нь орон тооны бус төлөөлөгчдийн дундаас 2 жилийн хугацаатай томилогддог, нарийн бичгийн дарга нь орон тооны гэж ажиллаж байлаа. Иргэдийн Төлөөлөгчдийн хурлын анхдугаар хуралдаанаар даргаар Б.Нацагдорж /орон тооны бус/ сонгогдож нарийн бичгийн даргаар Д.Сундуй томилогдон Засаг захиргаа нутаг дэвсгэрийн нэгж түүний удирдлагын тухай хуулийг орон нутагт хэрэгжүүлэн нутгийн удирдлагын гүйцэтгэх үүргийг иргэд олон нийтэд сурталчилан хөгжүүлж ирсэн. Монгол Улсын Засаг захиргаа, нутаг дэвсгэрийн нэгж, түүний удирдллагын тухай хуулинд өөрчлөлт орж, Орон нутгийн Хурлын сонгуулийн тухай хууль батлагдан гарч мөрдөгдсөнөөр сумын Иргэдийн Төлөөлөгчдийн Хурал 4 жилийн бүрэн эрхийн хугацаатайгаар ажиллах болсон байна. Сумын ИТХ-ын даргаар ажиллаж байсан дарга, нарийн бичгийн дарга нар: 1 Б.Нацагдорж ИТХ-ын дарга 1992-1994 Д.Сундуй Нарийн бичгийн дарга 1992-1994 С.Батбаяр ИТХ-ын дарга 1994-1996 Д.Сундуй Нарийн бичгийн дарга 1994-1996 2 Д.Сундуй ИТХ-ын дарга 1996-1998 Д.Отгон Нарийн бичгийн дарга 1996-1998 Ө.Мэндээ ИТХ-ын дарга 1998-2000 Д.Сундуй Нарийн бичгийн дарга 1998-2000 3 Д.Сундуй ИТХ-ын дарга 2000-2004 Ч.Бямбажав Нарийн бичгийн дарга 2000-2004 4 О.Энхтуяа ИТХ-ын дарга 2004-2008 Ч.Бямбажав Нарийн бичгийн дарга 2004-2008 5 Г.Бүрэнтэгш ИТХ-ын дарга 2008-2012 Х.Ганболд Нарийн бичгийн дарга 2008-2012 6 Р.Саранцэцэг ИТХ-ын дарга 2012-2013.10 сар Э.Жаргалбаяр Нарийн бичгийн дарга 2012-2013.10 сар Д.Нандинцэцэг ИТХ-ын дарга 2013.10-2014.01-р сар Б.Амарбаясгалан Нарийн бичгийн дарга 2013.10-2014.01-р сар Ц.Амгаланбаатар ИТХ-ын дарга 2014.01-2016.01-р сар Э.Жаргалбаяр Нарийн бичгийн дарга 2014.01-2016.01-р сар Э.Жаргалбаяр ИТХ-ын дарга 2016.01-2016.11-р сар Э.Мөнгөнчимэг Нарийн бичгийн дарга 2016.01-2016.11-р сар 7 Г.Эрдэнэчулуун ИТХ-ын дарга 2016-2020 А.Оюунэрдэнэ Нарийн бичгийн дарга 2016-2020 8 Г.Энхтуул ИТХ-ын дарга 2020 оноос одоог хүртэл Ц.Урантуяа Нарийн бичгийн дарга 2023 оноос одоог хүртэл Орон нутгийн хурлын 2020 оны сонгуулийн үр дүнгээр зохион байгуулагдсан сумын Иргэдийн Төлөөлөгчдийн Хурлын 27 төлөөлөгчийн бүрэлдэхүүнд Монгол Ардын намын гишүүн 18, Ардчилсан намын гишүүн 9 байна. Үүнээс анх удаагаа сонгогдож байгаа 15, хоёр ба түүнээс дээш удаа сонгогдсон 12 төлөөлөгч байна. Хурлын төлөөлөгчдийн бүрэлдэхүүнд эмэгтэйчүүдийн оролцоог нэмэгдүүлэхэд анхаарч ажилласнаар 2020-2024 оны төлөөлөгчдийн 1/3 буюу 27 төлөөлөгчийн 9 нь эмэгтэй төлөөлөгч сонгогдон ажиллаж байна. 2022 оны 03 дугаар сарын 31-ний өдрийн Сумын Иргэдийн Төлөөлөгчдийн Хурлын 05 тоот тогтоолоор Сумын Иргэдийн Төлөөлөгчдийн Хурлын тасралтгүй, байнгын ажиллагааг хангах зорилгоор хуралдаанаар хэлэлцэх асуудлыг урьдчилан бэлтгэх, санал дүгнэлт гаргах, Хурлын тогтоол, шийдвэрийн биелэлтийг хянан шалгах чиг үүрэг бүхий Төсөв, санхүү, эдийн засгийн хороо /дарга О.Энхтуяа/ Нийгэм, хот суурин дэд бүтцийн хөгжлийн хороо /дарга Р.Саранцэцэг/ Байгаль орчин, Хөдөө аж ахуйн хөгжлийн хороо /дарга Ч.Адъяасүрэн/ Ёс зүй, цахим бодлогын хөгжлийн хороо /дарга Г.Эрдэнэчимэг/ 4 хороо байгуулан сумын хөгжилд иргэдийн бүтээлч санаачлага идэвхитэй оролцоог эрхэмлэн дэмжиж, сонгогчдынхоо итгэл найдварыг дээдлэн хүндэтгэж, нутгийн өөрөө удирдах байгууллагын үйл ажиллагааг өргөжүүлэн хөгжүүлэхийг бид зорин ажиллаж байна.

2023.04.21-нд Иргэдийн Төлөөлөгчдийн Хурал, Засаг даргын Тамгын газраас зохион байгуулсан "Сонсох ажиллагаа" нээлттэй хэлэлцүүлэг болж өндрөлөлөө. Хэлэлцүүлэгт: ●ИТХ-н Байгаль орчин хөдөө аж ахуйн хөгжлийн хороо хяналт шалгалт хийсэн талаарх мэдээлэл, ●Засаг даргын Тамгын газрын мэргэжилтэн албан хаагч холбогдох мэдээлэл, ●Уул уурхайн Эрдэнийн босго, Андын Илч, Бадмаараг хаш, Эрээн толгой, Номин богд зэрэг 5 компаний тайлан мэдээлэл хийгдлээ. ● Нийт сумын 86 иргэний төлөөлөл оролцож 22 иргэн санал хүсэлт гаргаж асуусан асуултандаа холбогдох компаниас хариултаа авлаа. Иргэд 100%-н саналаар хатуу хучилттай замын асуудлыг шийдвэрлэсний дараа Уул уурхайн компаниудын үйл ажиллагааг явуулах шийдвэр дээр санал нэгдлээ.